Beranski vatrogasci spasili petočlanu porodicu iz Novog Pazara

Beranski vatrogasci spasili petočlanu porodicu iz Novog Pazara iz vozila zaglavljenog u snijegu na zaobilaznom putu od tunela na Jelovici ka Kolašinu.

U vozilu se nalazila petočlana porodica Hodžić iz Novog Pazara – muž, trudna supruga, dvoje maloljetno djece i starija gospođa.

Pripadnici Službe zaštite i spašavanja Opštine Berane izvukli su danas iz snijega zaglavljeno vozilo u kojem se nalazila petočlana porodica Hodžić iz Novog Pazara – muž, trudna supruga, dvoje maloljetno djece i starija gospođa.

„Zbog loših uslova na zaobilaznom putu od tunela na Jelovici ka Kolašinu, u mjestu Raskrsnica – Vranjak, vozilo se zaglavilo u snijegu, a mi smo odmah po dojavi u 14.50 otišli na teren koji pripada teritoriji opština Andrijevica i Kolašin. U akciji je učestvovalo pet pripadnika službe sa dva vozila, niko nije povrijeđen“, kazao je Mikica Korać, načelnik Službe zaštite i spasavanja.